РПЦ - Паветкіну: Трэба было не руны наколваць, а трэніравацца
85- 6.10.2013, 14:35
- 60,523
Расейская праваслаўная царква патлумачыла паражэнне Аляксандра Паветкіна ад Уладзіміра Клічко.
У якасці асноўнай прычыны кіраўнік місіянерскай камісіі пры Епархіяльнай радзе Масквы іераманах Дзімітрый (Першын) назваў празмернае захапленне расейца паганствам, піша «Інтэрфакс».
«Баюся, галоўная памылка баксёра ў тым, што перамогу нельга здабываць любой цаной. Скажам, ні за якія спартовыя дасягненні нельга плаціць сваёй душой. Не кожную энергію можна ўпускаць у свой унутраны свет» ,- заявіў бацька Дзімітрый. Падчас бою духі прашчураў Паветкіну не дапамаглі, канстатаваў святар.
«Паветкін напачатку свайго спартовага шляху казаў аб сваім праваслаўі, затым стаў адэптам неапаганства, у чым пераконваюць яго свежыя руніцкія татуіроўкі і песенька сварога, пад якую ён часам выходзіць на рынг» - адзначыў святар. Трэба было «не руны наколваць, а трэніравацца» падкрэсліў ён.
«Не будзем забываць аб тым, што нашаму сэрцу патрэбныя не ідалы (абярэгі, руны, замовы), але свабода жыцця ў Хрысце. За гэтую свабоду мы змагаемся з гаспадаром згодна з выразам Вячаслава Бутусава «гэтага здохлага свету», кідаем яму выклік у Сакрамэнце хросту, і вось так, змагаючыся і молячыся, ідзем па жыцці насустрач свайму ўваскрашэнню», - заявіў іераманах Дзімітрый.
Нагадаем, учора Уладзімір Клічко ў 12-раўндавым паядынку аднагалоснай пастановай суддзяў перамог Аляксандра Паветкіна ў ачках і абараніў тытул чэмпіёна свету ў версіях WBA, WBO, IBF і IBO.
Фота: Fotobank.ru/Getty Images