Бейсджампер саскочыў з вышыннага дому на праспекце Пераможцаў
17- 6.10.2013, 14:46
- 29,680
Экстрэмал здзейсніў скачок з парашутам з дому, які будуецца ў цэнтры Менска.
Гаворка ідзе пра гмах каля кінатэатра «Масква» на праспекце Пераможцаў. Скачок быў здзейснены позна ўвечары, прыкладна ў 22:30.
Паводле сведчанняў відавочцаў, бейсджампера затрымалі супрацоўнікі міліцыі і даставілі ў РУУС Цэнтральнага раёна Менска. Хутчэй за ўсё, яго чакае суд.
Гэта не першы выпадак здзяйснення экстрэмаламі скачкоў з розных будынкаў Менску. У пачатку года тры чалавекі саскочылі са старой тэлевышкі ў раёне плошчы Перамогі, а вясной бейсджампер саскочыў з 25-павярховіка ў мікрараёне Каменная горка. Абодва скачкі прыцягнулі ўвагу міліцыі.
Фота: onliner.by