Расейцы звязалі віцябляніна і павезлі афармляць на яго крэдыт

У сярэдзіне верасня двое непрацуючых грамадзян РФ перасеклі мяжу і апынуліся ў нашай краіне.

Расейцы знайшлі працу ў храме Святога архангела Гаўрыіла ў Віцебску, а потым, як паведамляе сайт МУС, вырашылі заняцца крыміналам.

«Каля двух гадзін ночы грамадзяне Расейскай Федэрацыі, якіх наглядна ўжо ведаў адзін з рабочых, зайшлі ў храм, - распавяла прэс-афіцэр Савецкага РУУС Інэса Грыгаровіч. - Зламыснікі сталі пагражаць яму нажом, патрабуючы аддаць грошы. Напалоханы мужчына пазбавіўся мабільнага тэлефона, трох мільёнаў рублёў і срэбнага ланцужка. Акрамя таго, рабаўнікі ведалі, дзе знаходзяцца ахвяраванні храма, таму забралі і гэтыя сродкі - каля 900 тыс. рублёў».

Гэтага зламыснікам аказалася мала. Паспеў план: паколькі і дакументы рабочага апынуліся ў іх, бандыты вырашылі аформіць на беларуса крэдыт. Мужчыну звязалі, пасадзілі ў аўтамабіль і павезлі ў сталіцу.

У Менску на адным з перакрыжаванняў нявольніку ўсё ж удалося вырвацца з машыны. Дабегшы да бліжэйшага аддзялення міліцыі - ім аказалася Савецкае РУУС - мужчына распавёў аб тым, што здарылася.

Супрацоўнікі сталічнага вышуку затрымалі расейцаў, якія пазней былі дастаўленыя ў Віцебск. Як паведамілі ў Следчым камітэце, у дачыненні да абодвух падазраваных распачатая крымінальная справа па артыкуле 207 Крымінальнага кодэкса (разбой).

«У сапраўдны момант следства працягваецца, устанаўліваюцца дадатковыя абставіны, магчымасць датычнасці да іншых злачынстваў, - адзначыла афіцыйны прадстаўнік УСК па Віцебскай вобласці Іна Гарбачова. - У межах крымінальнай справы прызначаны шэраг экспертыз, у тым ліку і псіхіятрычная».

Санкцыя за разбой, здзейснены групай асоб, прадугледжвае да 15 гадоў пазбаўлення волі.