Незвычайная Беларусь вачыма Алеся Марачкіна
4- 8.10.2013, 16:09
- 10,703
Вядомы беларускі мастак рыхтуе выставу ўнікальных карцін.
Пра гэта Алесь Марачкін паведаміў сайту charter97.org
«Зараз я рыхтуюся да выставы ў галерэі мастацтваў на праспекце Незалежнасці, таму што ў Нацыянальны мастацкі музей мяне не пускаюць. Я працую над серыяй карцін, якія называю «Метамарфозы». Яны звязаныя з паданнямі і легендамі. Таксама будуць выстаўленыя творы, якія я зрабіў падчас пленэраў на Віцебшчыне», - адзначыў мастак.
Марачкін падкрэсліў, што на іх намаляваныя даволі ўнікальныя курганы і капішчы, якія захаваліся.
«Акрамя гэтага, я абагульняю тое, што ўжо было створана раней. Выстава будзе насіць назву «СтART-60». Гэта азначае 1960-я гады, калі я пачаў выстаўляцца. Я таксама пакажу працы ранняга перыяду, якія носяць нонканфармісцкі характар. Гэта непраграмныя і нават трохі бунтарскі працы. Усяго будзе выстаўлена каля 20 твораў», - сказаў Алесь Марачкін.