Шуневіч не трапіў у Люксембург
15- 8.10.2013, 21:46
- 22,237
Кіраўнік беларускага МУС не ўзяў удзел у сустрэчы, якая прайшла ў Люксембургу.
Замест Ігара Шуневіча на пасяджэнні міністраў юстыцыі і ўнутраных спраў краін ЕЗ і «Усходняга партнёрства» апынуўся ягоны першы намеснік Валянцін Міхневіч. Пры гэтым, на сустрэчу збіраўся ехаць сам кіраўнік МУС, паведамляе «Радыё Рацыя».
Сустрэча міністраў адбылася ў рамках паседжання Рады Еўразвязу 7-8 кастрычніка ў Люксембургу. Яе ўдзельнікі заявілі пра важнасць працягу працы, у тым ліку з Радай Еўропы, каб гарантаваць адпаведнасць усіх судовых сістэм еўрапейскіх стандартаў, а таксама дамагчыся незалежнай, бесстаронняй, падсправаздачнай і эфектыўнай судовай сістэмы і гарантый доступу да правасуддзя.
У заяве адзначаецца, што дасягнутая дамоўленасць аб узмацненні судовага супрацоўніцтва ў грамадзянскіх і крымінальных справах, у тым ліку праз заахвочванне далучэння да адпаведных шматбаковых канвенцый рады Еўропы і Гаагскай канферэнцыі.
«Усё нармальна, калі б не адна акалічнасць: хто мог прадстаўляць Беларусь персанальна? Прадстаўляць Беларусь персанальна магла б асоба, якая наўпрост ўдзельнічала ў допытах ўдзельнікаў 19 снежня. Нагадаю, што яго папярэднік генерал Куляшоў таксама ездзіў з нагоды гэтых пытанняў у Францыю. У Беларусі гэтыя органы займаюцца не толькі крымінальным, але і палітычным вышукам», - заявіў палітычны аглядальнік Раман Якаўлеўскі.
Ініцыятарам сустрэчы ў Люксембургу выступіла Літва, якая старшынюе ў ЕЗ. Вільня, як адзначаецца ў афіцыйным паведамленні, разглядае магчымасць правядзення сустрэч міністраў юстыцыі і ўнутраных спраў на рэгулярнай аснове з мэтай маніторынгу прагрэсу і палітычных кірункаў супрацоўніцтва ў гэтым вымярэнні «Усходняга партнёрства».