ЕЗ купіць 10 мільярдаў кубаметраў газу ў Катары

Нямецкі E.ON змог дыверсіфікаваць пастаўкі паліва на еўрапейскі рынак.

Кампанія падпісала кантракт на куплю да 10 мільярдаў кубаметраў СПГ у Катары на працягу пяці гадоў, піша АФН.

Цана на паліва, якое пастаўляецца кампаніяй Qatargas, будзе фарміравацца на аснове каціровак на еўрапейскіх газавых біржах. З 2014 года газ праз тэрмінал Gate ў Нідэрландах будзе пастаўляцца на еўрапейскі рынак, дзе цяпер дамінуюць расейскі «Газпрам» і нарвежская Statoil.

Даччыная кампанія E.ON EGC, скарачаючы залежнасць ЕЗ ад традыцыйных пастаўшчыкоў паліва, у верасні падпісала 25-гадовы кантракт на 40 мільярдаў кубаметраў газу з пастаўкамі з Азербайджана з радовішча Шах Дэніз.

У чэрвені нямецкае выданне WirtschaftsWoche са спасылкай на крыніцы паведаміла, што E.ON думае аб скасаванні кантрактаў на пастаўку газу з «Газпрамам», каб купляць газ танней на спотавых рынках Заходняй Еўропы Аднак E.ON у адказ заявіла, што па-ранейшаму лічыць Расею асноўнай крыніцай паліва.

У мінулым годзе расейская газавая манаполія была вымушана пайсці на саступкі цэламу шэрагу еўрапейскіх кліентаў, незадаволеных дарагоўляй расейскага газу, і якія патрабуюць большай арыентацыі на кошты спотавага рынку.

Пад напорам пакупнікоў, найбуйнейшым з якіх з'яўляецца E.ON, «Газпрам» перагледзеў умовы еўрапейскіх кантрактаў і пачаў у 2012 вяртаць грошы тым, каму прадставіў зніжкі, заднім чыслом. На гэты год канцэрн зарэзерваваў на гэтыя мэты $4,7 мільярда.