Украінскія памежнікі патрабуюць ад беларусаў распіску аб тым, што «Не будуць удзельнічаць у Еўрамайдане»

Працягваюцца ліхтугі беларускіх актывістаў, якія выехалі ў Кіеў, каб падтрымаць украінцаў на Майдане.

Ноччу аўтобус з актывістамі быў затрыманы недалёка ад Мар'інай Горкі. На працягу трох гадзін іх падабралі машыны, якія выехалі з Менска, і спадарожныя аўтамабілі.

Большасць актывістаў дабраліся да Гомеля на цягніку. Сёння раніцай актывіст грамадзянскай кампаніі «Еўрапейская Беларусь» Максім Вінярскі паведаміў сайту charter97.org: «У Гомелі ва ўсіх перапісвалі пашпарты. Мне ўдалося не трапіцца, але пасля пасадкі міліцыянты зайшлі ў аўтобус і яшчэ раз усіх перапісалі. Афіцыйная матывацыя: разбой, сказалі правяраць усіх... Цяпер стаім на мяжы, едзем на аўтобусе да Чарнігава…»

Аднак ліхтугі беларусаў не скончыліся з перасячэннем беларуска-украінскай мяжы. Цяпер у іх паўсталі новыя складанасці - ужо на ўкраінскай тэрыторыі.

Паведамляе Максім Вінярскі: «Украінскія памежнікі сабралі ўсіх беларусаў, пагналі па 4 чалавекі на «сумоўе, інструктаж» і будуць браць распіскі, што не будзем парушаць закон... Гэта дзікунства. Здымаюць пры гэтым на камеру, дапытваюцца, хто ты, куды едзеш, што будзеш рабіць…».

Актывістаў дапытваюць па адным, выклікаюць у кабінет, здымаючы размова на камеру. Пры гэтым патрабуюць даць распіску, што аб тым, што не будуць удзельнічаць ў масавых мерапрыемствах.