Зняволены Акрэсціна парэзаў вены

9 сакавіка адзін з адміністрацыйна арыштаваных, Андрэй Ч., разрэзаў сабе вены на руках, патрабуючы аказання медыцынскай дапамогі.

Па наяўнай у «Платформы» інфармацыі, прычынай такога крайняга ўчынку стала адмова супрацоўнікаў медыцынскай часткі турмы на Акрэсціна выдаць Андрэю Ч. абязбольвальныя прэпараты, нягледзячы на пастаянныя скаргі на галаўны боль.

Як стала вядома, Андрэй Ч. некалькі гадзін прасіў аказаць яму медыцынскую дапамогу, аднак на яго папросту не звярталі ўвагі. У канчатковым выніку, не маючы больш сіл трываць галаўны боль, адміністрацыйна арыштаваны вымушаны быў ускрыць вены.

Аднак медыцынскія работнікі, якія прыбылі, толькі перавязалі Андрэя Ч., адзначыўшы, што неабходнасці выклікаць хуткую дапамогу няма.

Адразу пасля гэтага, Андрэй Ч. быў пераведзены ў іншую камеру.

Трэба адзначыць, што скаргі на неаказанне медыцынскай дапамогі супрацоўнікамі турмы на Акрэсціна далёка не навіна. Але давядзенне арыштаваных да крайніх мер сведчыць пра неабходнасць органам пракуратуры звярнуць пільную ўвагу на відавочнае парушэнне ўмоў утрымання адміністрацыйна затрыманых і арыштаваных.