12-гадовы менчук ледзь не загінуў пад снегам
28- 18.03.2013, 10:59
17 сакавіка ў 15-44 у МНС ад жанчыны паступіла паведамленне аб тым, што яе сын засыпаны снегам у двары жылога дома па вул.Філімонава.
Па прыбыцці да месца выкліку падраздзяленняў МНС было ўстаноўлена, што пад снегам знаходзіцца дзіця. Разам з сябрамі ён гуляў у глыбокім снезе (рылі снежныя праходы, скакалі ў гурбы), пры руху па даху гаража ён паслізнуўся і ўпаў уніз галавой у намеценую гурбу паміж гаражом і спускам з гары, паведамляе сайт МНС.
Работнікі МНС з выкарыстаннем шанцавай прылады (рыдлёўкі) выцягнулі з-пад снегу хлопчыка 2001 г.н.
Пасля агляду лекарамі брыгады хуткай медыцынскай дапамогі дзіця было перададзенае бацькам.