На Службу спецрасследаванняў Літвы напаў узброены псіхапат
1- 2.04.2013, 12:29
У будынку Службы спецыяльных расследаванняў Літвы ў аўторак пралілася кроў. Параненыя, па меншай меры, двое супрацоўнікаў.
Каля агароджанага будынка ССР на тратуары бачная кроў.
Па звестках ru.delfi.lt, у аўторак раніцай у ССР прыйшоў мужчына, які прадставіўся заяўнікам. Ён выхапіў нож і пачаў ім размахваць. Па папярэдніх дадзеных, параніўшы дваіх супрацоўнікаў ССР кінуўся бегчы, але на вуліцы быў затрыманы. На месцы здарэння працуюць супрацоўнікі паліцыі і экіпаж хуткай дапамогі.
Пазней юнака з акрываўленым тварам супрацоўнікі ССР вывелі ў кайданках. Ён быў вывезены на аўтамабілі хуткай дапамогі, які суправаджаў экіпаж паліцыі. Мужчына, калі яго вялі да аўтамабіля хуткай дапамогі, крычаў «не гераінавай мафіі ў Вільні!».
Сведка здарэння Сімас сказаў DELFI, што мужчына, які буяніў у памяшканнях ССР, мог знаходзіцца пад уздзеяннем наркотыкаў.
«Прыехала паліцыя. Глядзім, чалавек ляжыць, крычыць «Не гераіну ў Вільні!». А ахоўнік, здаецца, паранены ў нагу. Мы чулі, што ў яго быў нож», - сказаў чытач партала.
Як распавёў дырэктар ССР Саўлюс Урбанавічус, мужчына ва ўзросце прыкладна 30 гадоў пачаў прад'яўляць незразумелыя патрабаванні, потым, выхапіўшы нож, ударыў ім ахоўніка ў нагу. Супрацоўніка ССР, які знаходзіўся побач, ён таксама параніў ў нагу.
Падчас затрымання, як сцвярджаецца, мужчына параніў сабе руку сваім нажом.
Абодва супрацоўніка і нападнік дастаўленыя ў шпіталь.
Па словах начальніка паліцыі Віленскай акругі Кястуціса Ланчынскаса, мужчына вядомы паліцыі. Ён таксама прыходзіў у паліцыю і падаваў незразумелыя прэтэнзіі. Падазраецца, што ў мужчыны расстройства псіхікі.
Пра дэталі здарэння парталу распавёў начальнік Аддзела па сувязях з грамадскасцю ССР Руслан Галубоў.
«Да нас уварваўся нейкі чалавек, верагодна, з расстройствам псіхікі. І пачаў размахваць нажом, параніў двух супрацоўнікаў. Мы яго нейтралізавалі сваімі сіламі. Потым прыехала паліцыя, і цяпер яго павезлі», - сказаў Галубоў.
Паводле яго слоў, абодва параненых супрацоўніка дастаўленыя ў шпіталь. Інфармацыі пра іх стан пакуль няма. Нападнік, па словах Галубова, не супакоіўся і пасля затрымання.