Кандыдатам у прэзідэнты ад «Грузінскай мары» стаў Георгій Маргвелашвілі
- 11.05.2013, 20:47
Прэм'ер-міністр Грузіі Бідзіна Іванішвілі назваў кандыдата ў прэзідэнты ад кіруючай кааліцыі «Грузінская мара».
Па словах Іванішвілі, за прэзідэнцкі пост ад кааліцыі «Грузінская мара» на выбарах будзе змагацца Георгій Маргвелашвілі, які на дадзены момант займае пасаду віцэ-прэм'ера - міністра адукацыі, паведамляе Gazeta.ru.
Грузінскі прэм'ер адзначыў, што Маргвелашвілі з'яўляецца годнай кандыдатурай, якую аднагалосна падтрымала палітрада кааліцыі.
Прэзідэнцкія выбары ў Грузіі адбудуцца ў кастрычніку бягучага года.
Партыя дзейнага прэзідэнта Міхаіла Саакашвілі «Адзіны нацыянальны рух» пакуль не назвала свайго кандыдата на прэзідэнцкую пасаду.