На трасе Віцебск-Полацк у «хуткую» ўрэзаўся грузавік: 4 загінулых
49- 23.05.2013, 12:03
Страшная аварыя сёння адбылася на трасе Віцебск-Полацк.
23 траўня ў 8 раніцы ў МНС ад дзяжурнага хуткай медыцынскай дапамогі паступіла паведамленне аб ДТЗ на аўтадарозе Віцебск-Полацк у раёне в. Пушчы Шумілінскага раёна.
Як паведамляе прэс-служба МНС, па прыбыцці да месца было ўстаноўлена, што адбылося сутыкненне двух аўтамабіляў: экіпажа хуткай медыцынскай дапамогі і грузавога аўтамабіля «ДАФ-95.430».
У выніку ДТЗ у аўтамабілі «МЭРСЭДЭС - 210Д», апынуліся заблакаваныя пяць пасажыраў. Работнікамі МНС пры дапамозе гідраўлічнай аварыйна-выратавальнай прылады «Халматра» вынятыя (дэблакаваныя) пяць пасажыраў аўтамабіля хуткай дапамогі і перададзеныя брыгадам хуткай медыцынскай дапамогі. У выніку ДТЗ загінулі чатыры жанчыны, пятая з траўмамі рознай ступені цяжкасці дастаўленая ў бальніцу.
Кіроўцы транспартных сродкаў не пацярпелі. Мужчына, які кіраваў машынай хуткай дапамогі, у момант ДТЗ знаходзіўся не ў салоне - аўтамабіль стаяў на абочыне з-за няспраўнасці ў маторным адсеку.