Кандрацьеў вызначыў склад на адборачныя матчы ЧС-2014

Зусім хутка нацыянальная зборная Беларусі правядзе два адборачныя матчы чэмпіянату свету 2014 года супраць Фінляндыі.

7-га чэрвеня наша каманда згуляе ў Хельсінкі, затым 11-га чэрвеня - у Гомелі. На 3-е чэрвеня таксама запланаваны таварыскі матч супраць зборнай Эстоніі, паведамляе «Прессбол».

Галоўны трэнер нацыянальнай каманды Георгій Кандрацьеў уключыў у склад наступных футбалістаў:

Брамнікі: Сяргей Верамко («Крылы Саветаў»); Аляксандр Гутар («Дынама-Менск»); Сяргей Чэрнік («Нёман»);

Абаронцы: Алег Вераціла, Віталь Трубіла (абодва - «Дынама-Менск»); Ігар Шытаў («Мардовія»); Аляксандр Мартыновіч («Краснадар»); Ягор Філіпенка, Максім Бардачоў (абодва - БАТЭ); Зміцер Верхаўцоў («Крылы Саветаў»);

Паўабаронцы: Станіслаў Драгун («Крылы Саветаў»); Сяргей Кісляк («Рубін»); Ян Цігараў («Лакаматыў»); Аляксандр Паўлаў, Эдгар Аляхновіч, Аляксандр Глеб, Павел Няхайчык (усе - БАТЭ); Антон Пуціла («Волга»); Павел Сітко («Шахцёр»); Цімафей Калачоў («Растоў»);

Форварды: Рэнан Бардзіні Брэсан («Аланія»); Віталь Радзіонаў (БАТЭ); Максім Скавыш («Балтыка»).