У Карпатах знік турыст з Беларусі

У гарах Івана-Франкоўскай вобласці шукаюць 29-гадовага турыста, жыхара Менска.

Як паведамляе ўпраўленне ДСНС у Івана-Франкоўскай вобласці, у панядзелак, 6 траўня, у 17.15 турысты з Адэсы паведамілі выратавальнікам аб тым, што на гары Поп Іван да іх звярнуліся двое жыхароў Менска з просьбай аб дапамозе ў пошуку таварыша, які быў іх правадыром, адышоў ад групы і не вярнуўся. Апошні раз беларускія турысты яго бачылі 5 траўня, калі выходзілі з гасцініцы «Уединение» ў напрамку горы Васкул (1736 м над узроўнем мора).

Для правядзення пошукава-выратавальных работ у панядзелак у кірунку памежнай заставы вёскі Шыбене Верхавінскага раёна выехалі супрацоўнікі горнай пошукава-выратавальнай часткі ў складзе 5 чалавек і адной адзінкі тэхнікі.

У 20.35 з боку Закарпацкай вобласці выехалі ратавальнікі з горада Рахава Закарпацкай вобласці ў складзе 5 чалавек і адной адзінкі тэхнікі.

Па стане на 04.00 аўторка, праведзенае абследаванне прылеглых тэрыторый, гор Сціг і Васкул у зоне адказнасці горнай пошукава-выратавальнай часткі. Ад вяршыні гары Васкул абследаваны маршрут на гару Поп Іван, дзе выявілі двух турыстаў з Беларусі.

Пошукі трэцяга турыста працягваюцца.

Нагадаем, тыдзень таму беларускі турыст Аляксандр Болахаў заблудзіўся ў гарах Абхазіі. Ён сам выбраўся з лесу і выйшаў да людзей на чацвёрты дзень пошукаў. Менш пашанцавала двум беларускам, якія змерзлі ў гарах Геленджыка.