Ільготнікам забароняць самім будаваць жыллё

Лукашэнка падпісаў указ № 215, які можа кардынальна змяніць схему будаўніцтва льготнага жылля.

Дакументам зацверджаны парадак і ўмовы фінансавання будаўніцтва жылля паводле прынцыпу дзяржаўнай замовы.

«Сутнасць дзяржаўнай замовы ў тым, што на этапе будаўніцтва грамадзяне выключаны з інвестыцыйнага працэсу. Будаўніцтва жылых памяшканняў будзе ажыццяўляцца адзінымі дзяржаўнымі замоўцамі (УКБ), а таксама іншымі дзяржаўнымі арганізацыямі або арганізацыямі з дзеллю дзяржавы ў статутным фондзе 50% і болей паводле пастановы гарадскога, раённага выканаўчага камітэта», - гаворыцца ў афіцыйным каментары.

Характэрна, што ўказ дазваляе такім забудоўнікам атрымліваць ільготныя крэдыты ў рублях пад 2% гадавых.

«Пагашэнне запазычанасці за льготныя крэдыты, якiя выдадзеныя замоўцам, што ажыццяўляюць будаўніцтва жылых дамоў на дзяржаўную замовы, будзе адбывацца пасля пераафармлення запазычанасці на грамадзян, уключаных у спісы на атрыманне льготных крэдытаў і якія ўклалі крэдытныя дамовы. Пераафармленне такой запазычанасці на грамадзян выконваецца пасля ўнясення імі ўласных сродкаў, у тым ліку сродкаў аднаразовых субсідый, вызначаных як рознасць паміж коштам жылога памяшкання паводле дамовы куплі-продажу і сумай ільготнага крэдыту, якая падлягае да атрымання ў адпаведнасці з крэдытным дамовай», - тлумачыцца ў дакуменце .

У каментары не ўдакладняюцца максімальныя тэрміны, на якія будуць выдавацца, а затым пераафармляцца льготныя крэдыты, адзначае АФН.

Улады разлічваюць, што схема будаўніцтва льготнага жылля на аснове дзяржаўнай замовы прычыніцца да скарачэння тэрмінаў будаўніцтва і, як следства, зніжэння яго кошту.

Наколькі спраўдзяцца такія чаканні, пакажа здача першых дамоў, пабудаваных паводле дзяржзамовы. Але ў кожным выпадку указ № 215 дазволіць уладам ўжо ў бліжэйшыя 2-3 месяцы прыкметна разагнаць лакаматыў беларускай эканомікі - «будоўлю жылля».