Домрачава і Герасіменя прабягуць па вуліцах Менска
23- 27.06.2013, 16:37
- 12,034
У суботу, 29 чэрвеня, у 10.00 на плошчы Незалежнасці арганізоўваецца прабег «Спартыўная Беларусь», прысвечаны афіцыйнаму Дню незалежнасці.
У карпаратыўным забегу прымуць удзел Аляксандра Герасіменя, Дар'я Домрачава, Уладзімір Дзянісаў, Ягор Мешчаракоў і іншыя знакамітыя спартсмены.
Як піша «Комсомольская правда в Беларуси», Домрачава спецыяльна сарвецца з трэніровачных збораў у Італіі, каб прабегчы 3 кіламетры па сталіцы.
З не меншай падтрымкай пабяжыць і Аляксандра Герасіменя. Як і Домрачава, яна зараз рыхтуецца да сур'ёзных спаборніцтваў, але не адмовілася выйсці на старт разам з астатнімі.
«Даўно, праўда, не бегала. Надеюсь, не памру ў суботу на дыстанцыі», - сказала спартсменка.
Будзе ўдзельнічаць у забегу і каманда Аляксандра Глеба. Жадаючыя прыйсці на забег толькі з-за яго, могуць схаваць фотаапараты - паўабаронцу БАТЭ трэба берагчы сілы на важны матч з «Нёманам». За мужа ў забегу будзе ўдзельнічаць Анастасія Касянкова. Як гаворыцца, будзе бегчы за сябе і за таго хлопца.
Таксама на дыстанцыі можна будзе ўбачыць «зорак» эстрады і чыноўнікаў. Напрыклад, памочнік Лукашэнкі па пытаннях фізкультуры і спорту Максім Рыжанкоў пабяжыць у складзе алімпійскай чэмпіёнкі Юліі Несцярэнка.
Прабег стане чатырохсотай акцыяй праекта «Мары спраўджваюцца», у якім прымаюць удзел нашы знакамітасці. Яны збіраюць грошы на будаўніцтва новага дзіцячага хоспіса. На месцы старту будзе стаяць спецыяльная палатка, у якой неабыякавыя могуць пакінуць грошы.