Нэльсан Мандэла шпіталізаваны
4- 8.06.2013, 11:38
- 11,239
Былы кіраўнік Паўднёва-Афрыканскай Рэспублікі Нэльсан Мандэла сёння раніцай быў шпіталізаваны з прычыны лёгачнай інфэкцыі.
Як паведаміла адміністрацыя прэзідэнта ПАР Джэйкаба Зумы, Мандэла знаходзіцца ў шпіталі ў Прэторыі. Ягоны стан цяжкі, але стабільны.
94-гадовы Мандэла за апошнія месяцы некалькі разоў праходзіў лячэнне ў медыцынскіх установах.
Лаўрэат Нобелеўскай прэміі міру і змагар за правы чалавека Нэльсан Мандэла адседзеў 27 гадоў у турме. У 1990 годзе ён выйшаў на волю, а ў 1994 годзе перамог на прэзідэнцкіх выбарах, стаўшы першым чарнаскурым прэзідэнтам Паўднёва-Афрыканскай Рэспублікі.
Апошнімі гадамі Мандэла рэдка з'яўляўся на публіцы - з прычыны пагаршэння стану здароўя.