Нацбанк падоўжыў прыпыненне ліцэнзіі іранскага «ТК Банка»
4- 1.08.2013, 11:10
- 9,945
Нацбанк прыпыніў дзеянне ліцэнзіі ЗАТ «ТК Банк» на ажыццяўленне шэрагу банкаўскіх аперацый.
Пра гэта гаворыцца ў паведамленні Нацбанка.
Праўленнем Нацыянальнага банка Рэспублікі Беларусь прынятае рашэнне аб прыпыненні да 1 лютага 2014 года дзеяння спецыяльнага дазволу (ліцэнзіі) закрытага акцыянернага таварыства «Банк гандлёвы капітал» (ЗАТ «ТК Банк») на ажыццяўленне банкаўскай дзейнасці ў частцы ажыццяўлення наступных банкаўскіх аперацый: прыцягненне грашовых сродкаў фізічных і юрыдычных асоб на рахункі і ва ўклады (дэпазіты); выдача банкаўскіх гарантый; давернае кіраванне грашовымі сродкамі па дамове давернага кіравання грашовымі сродкамі; выпуск у абарачэнне (эмісія) банкаўскіх плацежных картак; выдача каштоўных папер, якія пацвярджаюць прыцягненне грашовых сродкаў ва ўклады (дэпазіты) і размяшчэнне іх на рахункі; фінансаванне пад уступку грашовага патрабавання (факторынг).
«Дадзенае рашэнне прынятае да ЗАТ «ТК Банк» з-за існуючага ў ім фінансавага становішча, якое можа пацягнуць пагрозу стабільнасці банкаўскай сістэмы Рэспублікі Беларусь, інтарэсам укладчыкаў і іншых крэдытораў банка», - гаворыцца ў паведамленні Нацбанка.
Нагадаем, у жніўні 2012 года Нацбанк прыпыніў на 1 год дзеянне ліцэнзіі ЗАТ «ТК Банк» (Гандлёвы капітал) на ажыццяўленне банкаўскай дзейнасці.
«ТК Банк» з'яўляецца даччыным банкам іранскага банка Тэджарат (доля 99,89%), які знаходзіцца пад міжнароднымі санкцыямі.