Неліквіды БелАЗа распрадаюць ў крэдыт
10- 13.08.2013, 10:00
- 15,789
![Неліквіды БелАЗа распрадаюць ў крэдыт](https://i.c97.org/p/20130221_belaz_new_t.jpg)
Прадукцыю БелАЗа адправяць некалькім беларускім прадпрыемствам з адтэрміноўкай плацяжу.
Пра гэта сказана ў пастанове Савета міністраў №698 ад 8 жніўня.
Урад рэкамендуе кіруючай кампаніі холдынгу «забяспечыць да 15 жніўня бягучага года пастаўку 6 кар'ерных самазвалаў БелАЗ-7547В ААТ «Даламіт», 2 колавых пагрузчыкаў БелАЗ-7822 і 1 колавага бульдозера БелАЗ-78231 - РУВП «Граніт», 2 колавых пагрузчыкаў БелАЗ-78221 - ААТ «Нярудпрам», 2 бетанапомпаў МаАЗ-8901 - ААТ «Будаўнічы трэст №3 ордэна Кастрычніцкай Рэвалюцыі».
Аплата пастаўленай тэхнікі адтэрмінаваная да 1 траўня 2014 года.
У той жа час «Беларусбанк» прадаставіць БелАЗу крэдыт на суму 26,9 млрд рублёў пад 8 адсоткаў гадавых тэрмінам на адзін год.
Нагадаем, раней Лукашэнка даручыў перадаць максімальную колькасць назапашанай на складах прампрадпрыемстваў тэхнікі ў калгасы.