З сярэдзіны наступнага тыдня - спякота

У выходныя па Беларусі чакаецца ўмерана-цёплае надвор'е, з сярэдзіны наступнага тыдня будзе спякота.

Пра тое, якое надвор'е чакаецца ў будучыя выходныя, а таксама на наступным тыдні «Інтэрфаксу» паведаміла галоўны сіноптык Дзяржаўнай установы «Рэспубліканскі гідраметэаралагічны цэнтр» Людміла Мікалаеўна Парашчук.

Выходныя

- У бліжэйшыя выходныя па ўсёй тэрыторыі Беларусі чакаецца ўмерана-цёплае надвор'е. Тэмпература ў начны час складзе +10-15 °С, днём - ад +19-20 °С на паўночным усходзе краіны, і да +26-27 °С на паўднёвым захадзе, у Брэсцкай вобласці. Ападкі чакаюцца слабыя і ўмераныя ва ўсходняй частцы Беларусі. Не прадбачыцца дажджоў толькі ў Брэсцкай і Гродзенскай абласцях.

У нядзелю невялікія ападкі магчымыя ў крайніх усходніх раёнах краіны. Начная тэмпература не зменіцца, дзённыя паказчыкі крыху павысяцца: ад +21-23 °С па ўсёй тэрыторыі Беларусі, па паўднёвым захадзе да +29 °С.

На працягу суботы, нядзелі вецер паўночна-заходні, слабы, з рэдкімі дзённымі парывамі да 10-14 м/с.

Наступны тыдзень

- З 5 жніўня тэмпература па ўсёй тэрыторыі нашай краіны пачне павольна, але ўпэўнена расці. Віной таму будзе вобласць павышанага ціску, якая набліжаецца да РБ. Да сярэдзіны тыдня паўночна-заходні вецер зменіцца на паўночна-заходні і паўднёвы, установіцца гарачае летняе надвор'е. У начны час - +13-19 °С, днём - +25-30 °С, у Гомельскай і Брэсцкай абласцях - +30-32 °С. Па ўсёй тэрыторыі Беларусі ападкі чакаюцца нязначныя - кароткія летнія дажджы.

У цэлым, прагноз надвор'я на бліжэйшыя выходныя і тыдзень спрыяльны. Чаканыя тэмпературныя рэжымы адпавядаюць жнівеньскім нормам, і спрыяюць жніўным працам.