Клічко назвалі баксёрам года

Сусветная баксёрская арганізацыя (WBO) прызнала ўкраінца Уладзіміра Клічко, які выступае ў суперцяжкай вазе, лепшым баксёрам года.

Гэта адбылося падчас пасяджэння яе кангрэса, які зараз праходзіць у Будапешце. Пра рашэнне WBO паведамляе афіцыйны сайт арганізацыі.

Уладзімір Клічко, якому ў сакавіку гэтага года споўнілася 37 гадоў, з'яўляецца чэмпіёнам свету ў суперцяжкай вазе па версіях IBF, IBO, WBA і WBO. Апошні бой, які адбыўся 4 траўня ў Германіі, ён правёў супраць італьянца Франчэска П'янеты і выйграў яго тэхнічным накаўтам у шостым раундзе.

З больш чым шасцідзесяці баёў украінскі спартсмен пацярпеў паразу толькі ў трох.

Бліжэйшы паядынак Уладзімір Клічко правядзе 5 кастрычніка ў маскоўскім спорткомплексе «Алімпійскі». Украінскі баксёр пазмагаецца з чэмпіёнам свету па версіі WBA расейцам Аляксандрам Паветкін.