Аэрапорт у Ізраілі закрыты праз пагрозу тэракту

У буйным ізраільскім горадзе Эйлат улады пастанавілі неадкладна зачыніць аэрапорт у сувязі з тэрарыстычнай пагрозай.

Цяпер з яго могуць вылятаць толькі самалёты, што кіруюцца на поўнач краіны, паведамляе NEWSru.co.il.

Аэрапорт Эйлата будзе закрыты на рэкамендацыю войска абароны Ізраіля аж да далейшага паведамлення. Гэтая пастанова звязаная з паступленнем выведнай інфармацыі, згодна з якой тэрарыстычная арганізацыя «Аль-Каіда» плануе тэрарыстычныя акцыі супраць аб'ектаў, звязаных з краінамі Захаду.

Восем рэйсаў, якія павінны былі прызямліцца ў Эйлате, накіраваныя ў аэрапорт «Уўда», размешчаны ў 60 кіламетрах на поўнач ад горада.

Нагадаем, што раней ЗША паведамілі аб чаканым высокім узроўні тэрарыстычнай пагрозы, у прыватнасці, у Емене. Некалькі дзяржаў адклікалі з краіны сваіх дыпламатаў.

Пра пагрозу тэрактаў стала вядома дзякуючы перахопленым паведамленням Аймана аз-Завахіры - кіраўніка арганізацыі «Аль-Каіда на Арабійскім паўвостраве», што базуецца ў Емене. ЗША, Вялікабрытанія і Францыя эвакуявалі з Емена свае дыппрадстаўніцтвы і заклікалі грамадзян неадкладна пакінуць краіну. Такім чынам, усё больш дзяржаў прымаюць захады для адбіцця магчымых тэрарыстычных нападаў.