Мясніковіч адкажа за арышт Баўмгертнера
23- 25.09.2013, 16:35
- 38,513
Прэм'ер Расеі Дзмітрый Мядзведзеў паведаміў, што абмяркуе з Міхаілам Мясніковічам, у тым ліку, сітуацыю з «Уралкаліем».
«Усе абмяркуем, вядома», - сказаў Дзмітрый Мядзведзеў, адказваючы на пытанне журналістаў пра тое, ці мае ён намер абмеркаваць з Міхаілам Мясніковічам сітуацыю з «Уралкаліем», піша «Інтэрфакс».
Мядзведзеў і Мясніковіч у сераду прымалі ўдзел у пасяджэнні Вышэйшага еўразійскага эканамічнага савета на ўзроўні кіраўнікоў урадаў у Астане.
Нагадаем, 26 жніўня ў Беларусі быў затрыманы гендырэктар «Уралкалію» Уладзіслаў Баўмгертнер. Яму было прад'яўленае абвінавачванне ў злоўжыванні ўладай і службовымі паўнамоцтвамі, магчымая санкцыя - пазбаўленне волі на тэрмін да дзесяці гадоў.
Напярэдадні арышту ён знаходзіўся ў Беларусі па пісьмовым запрашэнні прэм'ер-міністра краіны Міхаіла Мясніковіча.
Запрашэнні былі таксама накіраваныя старшыні савета дырэктараў «Уралкалію» Аляксандру Валошыну і акцыянеру кампаніі Сулейману Керымаву.