ЗША плануюць маштабную аперацыю ў Сірыі
22- 3.09.2013, 9:44
- 20,141
Вашынгтон, верагодна, разглядае план больш маштабнай ваеннай аперацыі ў Сірыі і не мае намеру абмяжоўвацца «стрыманымі, вузканакіраванымі дзеяннямі».
Пра гэта распавёў былы намеснік кіраўніка штаба арміі ЗША Джэк Кін, перадае BBC. Паводле яго слоў, Барак Абама асабіста сказаў сенатарам-рэспубліканцам, якія былі запрошаныя ў Белы дом у панядзелак, што Вашынгтон плануе нанесці значны ўрон сілам Башара Асада, калі кангрэс падтрымае ваенную аперацыю.
Па словах Джэка Кіна, улады ЗША таксама плануюць павялічыць дапамогу некаторым групам паўстанцаў у Сірыі.
Раней Барак Абама заяўляў пра магчымасць «стрыманых вузканакіраваных дзеянняў» у рамках ваеннай аперацыі супраць сірыйскага дыктатара. Пры гэтым, паводле яго слоў, Вашынгтон гатовы дзейнічаць без санкцыі Рады Бяспекі ААН.