Нафта даражэе ў чаканні аперацыі ЗША ў Сірыі

Кошты на нафту павышаюцца ў чацвер, пасля таго як Камітэт па міжнародных адносінах Сената ЗША ўхваліў прапанову аб выкарыстанні ваеннай сілы ў Сірыі.

Як паведамляе агенцтва Bloomberg, каціроўка ф'ючэрса на нафту Brent на кастрычнік на лонданскай біржы ICE Futures да 9:02 МСК паднялася на $0,19 (0,17%) - да $113,42 за барэль. У сераду кантракт патаннеў на $0,77 (0,67%) - да $114,91 за барэль, піша «Інтэрфакс».

Кошт кастрычніцкіх ф'ючэрсаў на нафту WTI на электронных таргах Нью-Йоркскай таварнай біржы (NYMEX) да гэтага часу павялічыўся на $0,30 (0,28%) - да $107,53 за барэль. Па выніках таргоў 4 верасня гэты ф'ючэрс упаў у кошце на $1,31 (1,21%) - да $107,23 за барэль.

«Ухвалілі не поўнамаштабны ваенны напад, таму адабрэнне такой абмежаванай аперацыі падтрымлівае нафту не так моцна», - адзначыў віцэ-прэзідэнт IHS Energy Insight Віктар Шум.

Фота: Bloomberg