ЗВР скараціліся яшчэ на $215 мільёнаў

Па выніках жніўня золатавалютныя рэзервы Рэспублікі Беларусь у вызначэнні ССРД МВФ скараціліся на 214,9 млн. даляраў ЗША.

Па папярэдніх дадзеных, на 1 верасня 2013 года яны склалі 7 712,0 млн. даляраў ЗША ў эквіваленце, паведамляе прэс-служба Нацбанка.

«У нацыянальным вызначэнні аб'ём золатавалютных рэзерваў скараціўся на 135,0 млн. даляраў ЗША і на 1 верасня 2013 года склаў 8 430,4 млн. даляраў ЗША ў эквіваленце.

На зніжэнне аб'ёму золатавалютных рэзерваў аказала ўплыў пагашэнне Урадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце ў поўным аб'ёме», - адзначаюць у Нацбанку.

«Падтрыманню аб'ёму золатавалютных рэзерваў у жніўні бягучага года ў асноўным спрыяў рост кошту на золата на міжнародным рынку каштоўных металаў, а таксама размяшчэнне валютных аблігацый Міністэрства фінансаў Рэспублікі Беларусь на ўнутраным рынку краіны», - гаворыцца ў паведамленні прэс-службы.