Пад Псковам разбіўся аўтобус з актывістамі ЛДПР
16- 7.09.2013, 12:21
- 18,510
Жыхары Пскоўскай вобласці, якія загінулі пры сутыкненні двух аўтобусаў 7 верасня, вярталіся з мітынгу ЛДПР, які адбыўся напярэдадні ў Маскве.
ЛДПР абяцае надаць патрэбную дапамогу пацярпелым і сем'ям загінулых, піша Lenta.ru.
Агулам ахвярамі ДТЗ сталі дзевяць чалавек. У аўтобусе Hyundai, які накіроўваўся са сталіцы ў Себежскі раён Пскоўскай вобласці, ехалі чатыры з іх. Як заявілі ў рэгіянальным аддзяленні ЛДПР, аўтобус быў выдзелены для паездкі актывістаў пецярбургскай фірмай-вознікам. Паводле папярэдніх звестак, менавіта гэты аўтобус выехаў на сустрэчную паласу руху, што і стала прычынай сутыкнення.
ДТЗ адбылося на 519 кіламетры трасы Масква-Рыга пад чатыры гадзіны раніцы. Другі аўтобус, які ўдзельнічаў у сутыкненні, вёз турыстаў з Рыгі ў Санкт-Пецярбург. Шпіталізаваныя дзевятнаццаць чалавек. Следча-аператыўная група, якая працуе на месцы аварыі, высвятляе абставіны здарэння.