Саладуха: Я буду ў фінале. Па-любому (Відэа)

Беларускі выканаўца паўстаў перад тэлегледачамі ў вобразе матылька.

У інтэрнэце з'явіўся чарговы промаролік, запісаны да фіналу нацыянальнага адбору на конкурс «Еўрабачанне» з удзелам Аляксандра Саладухі. «Я буду ў фінале. Па-любому», - заяўляе ў ім спявак.

Нагадаем, учора ў Белтэлерадыёкампаніі адбылося лёсаванне выступлення ўдзельнікаў фіналу нацыянальнага адбору «Еўрабачання-2014». Сярод пералічаных 14 удзельнікаў Аляксандра Саладухі няма, таму ўпэўненасць выканаўцы ў тым, што ён прадставіць Беларусь на конкурсе трохі здзівіла гледачоў.

Фінал адборачнага тура пройдзе 10 студзеня. Выканаўца, які набярэ найбольшую колькасць балаў, прадставіць Беларусь на міжнародным конкурсе песні «Еўрабачанне- 2014» у Капенгагене.