Пад Браславам перакуліўся аўтобус з 27 пасажырамі
7- 14.02.2014, 11:25
- 13,468
Аварыя адбылася яшчэ ў сераду.
Службовы аўтобус СВК «Маяк Браслаўскі», у якім знаходзіліся людзі, «паслізнуўся» і вылецеў у кювет. «Кіроўца няправільна выбраў хуткасць і не ўлічыў стан дарожнага пакрыцця, дапусціў занос транспартнага сродку, з'ехаў у кювет і перакуліўся», - паведамлялі інспектары. Нягледзячы на ходкую фразу ДАІ, маўляў, кіроўца павінен сам выбіраць бяспечную хуткасць з улікам надвор'я і слізкасць, ад адказнасці, як стала вядома сёння, не сышлі і тыя, хто своечасова не пачысціў дарогу, піша onliner.by.
Па дарозе на працу 27 жыхароў горада трапілі ў ДТЗ, піша газета «Браславская звезда». Раніцай кіроўца аўтобуса, які кожны будні дзень забірае ў горадзе работнікаў гаспадаркі, як заўсёды, адправіўся ў рэйс. Не даязджаючы да мясцовага АЗС, аўтобус апынуўся за межамі праезнай часткі - з'ехаў з-за моцнага галалёду.
У выніку аварыі адна пасажырка атрымала ўдар хрыбетніка груднога аддзела, на месцы здарэння яе абследавалі лекары райбальніцы і даставілі дадому. Астатнія, на шчасце, не пацярпелі. Аўтобус атрымаў механічныя пашкоджанні.
Па дадзеных газеты, да адказнасці за ДТЗ прыцягнуты начальнік ДЭУ-34 з-за непачышчанай і не пасыпанай антыгалалёдным растворам своечасова дарогі.