26 траўня 2019, Нядзеля, 13:48
За нашу і вашу свабоду!
Рубрыкі

«Чарнобыльскі шлях – 2014»: Не жадаем быць закладнікамі дыктатара

35

Беларусы запатрабавалі вываду войскаў РФ з краіны.

У ёй бралі ўдзел блізу тысячы чалавек. Акцыя скончылася затрыманнем некаторых актывістаў, нягледзячы на тое, што была дазволеная беларускімі ўладамі.

Мерапрыемства прайшло пад лозунгамі абароны Беларусі ад ядзернай небяспекі з боку Расеі і салідарнасці з Украінай. Актывісты антыядзернага руху запатрабавалі неадкладна спыніць будаўніцтва Астравецкай АЭС, раскрыць усю праўду аб наступствах Чарнобыльскай катастрофы, вывесці з краіны расейскія самалёты, якія могуць несці тактычную ядзерную зброю і адвесці расейскія войскі ад мяжы з Украінай.

Сайт charter97.org вёў анлайн-трансляцыю з акцыі. Дасылайце нам свае фатаграфіі і відэаматэрыялы з шэсця і мітынгу на адрас электроннай пошты charter97media@gmail.com.

19:00 Мы завяршаем наш онлайн-рэпартаж з акцыі «Чарнобыльскі шлях у Менску». Дзякуй за ўвагу.

18:59Некалькі дзясяткаў чалавек прынеслі кветкі і свечкі да Чарнобыльскай капліцы.

18:33 Акцыя скончаная. Людзі разыходзяцца арганізаванымі групамі, так як ёсць верагоднасць затрыманняў. Некаторыя з іх накіраваліся да Чарнобыльскай капліцы.

18:29 Актывісты антыядзернага руху запатрабавалі неадкладна спыніць будаўніцтва Астравецкай АЭС, раскрыць усю праўду аб наступствах Чарнобыльскай катастрофы, вывесці з Беларусі расейскія самалёты, якія могуць несці тактычную ядзерную зброю, адвесці расейскія войскі ад мяжы з Украінай, каб не правакаваць пашырэнне міжнароднага канфлікту, а таксама даць магчымасць грамадзянам Беларусі самім пастанаўляць, якою будзе іх краіна. «Не хочам быць закладнікамі дыктатараў», – гаворыцца ў выніковай рэзалюцыі мітынгу.

18:28 Святар Беларускай праваслаўнай аўтакефальнай царквы чытае малітву за Беларусь і Украіну.

18:27 На мітынгу выступілі лідар Партыі БНФ Аляксей Янукевіч, эколаг Таццяна Новікава, а таксама былы удзельнік ліквідацыі наступстваў аварыі на ЧАЭС. «Разумныя людзі атамныя станцыі закрываюць, а дурні – будуюць», падкрэсліў ён.

18:15 Вялікая частка ўдзельнікаў дэманстрацыі адмовілася заходзіць на агароджаную тэрыторыю. Туды прайшлі не больш за сотню чалавек, у тым ліку арганізатары.

svaboda.org

18:06 На пунктах надгляду амапаўцы правяраюць нават сцягі.

@svaboda

17:59 У тралейбусе затрымалі актывістаў Юрыя Рубцова і Леаніда Смаўжа.

‏@praz_voczy

17:57 Удзельніца акцыі: «Мы вельмі перажываем за Украіну. А расейцы – усюды ім дрэнна. Толькі ў Беларусі яны робяць, што хочуць. Захацелі – знеслі вакзал, захацелі – пабудавалі АЭС, захацелі – даслалі расейскага бацюшку».

svaboda.org

17:45 На сцэне усталяваны транспарант «Не Астравецкай АЭС». Частка ўдзельнікаў шэсця адмовілася заходзіць за агароджы.

@svaboda

17:42 Некаторых удзельнікаў акцыі з транспарантамі, не прапускаюць на пляцоўку.

svaboda.org

17:40 Людзі праходзяць на агароджаную пляцоўку для правядзення мітынгу праз металашукальнікі. Супрацоўнікі міліцыі праводзяць дагляд.

svaboda.org

17:26 У двух удзельнікаў акцыі – крэатыўныя маскі, якія, мяркуючы па ўсім, сімвалізуюць наступствы ядзернага выбуху.

svaboda.org

17:25 Шэсце дайшло да плошчы Бангалор.

17:14 Каля парку Дружбы народаў стаяць аўтазакі і «ціхары», паведамляе ПЦ «Вясна».

Pavel Potashnikov

17:12Удзельнікі акцыі нясуць вялікія партрэты палітвязняў. На ўсім працягу шэсця таксама гучаць лозунгі ў падтрымку беларускіх вязняў сумлення.

17:10 У шэсці бяруць удзел блізу 1000 чалавек. Людзі дайшлі да ГЦ «Еўропа».

svaboda.org

17:09 Супрацоўнікі ДАІ спыняюць машыны з бел-чырвона-белымі стужкамі.

17:00 Гомельскі актывіст Юры Рубцоў прыйшоў на акцыю ў майцы з надпісам «Лукашэнка, сыходзь», за якую яго арыштавалі на трое сутак пасля леташняга шэсця «Дзяды».

@svaboda

17:00 Прафесар Георгій Лепін, актывіст антыядзернага руху, распавёў «Радыё Свабода», што мэта сённяшняй акцыі – нагадаць, што Чарнобыль не сышоў, ён застаўся. «Новая АЭС, пабудаваная іншай краінай, не дае энергетычнай незалежнасці, а цалкам прывязвае Беларусь да Расеі», – мяркуе ён.

16:57 Калона перасякае вуліцу Якуба Коласа.

16:56 Праезную частка ахоўваюць амапаўцы.

@chto_to_ne_tak

16:55 Людзі назіраюць за шэсцем з вокнаў і балконаў бліжэйшых дамоў.

svaboda.org

16:53 Відавочцы паведамляюць, што жалобны мітынг пройдзе ў «рэзервацыі». У Парку дружбы народаў падрыхтаваная агароджа.

16:48 Удзельнікі акцыі скандуюць лозунгі ў падтрымку Украіны. Некаторыя з іх нясуць украінскія сцягі.

16:48 Шэсце праходзіць па вузкім тратуары на вуліцы Сурганава.

16:44 Арганізатары ўключылі аўдыёзапіс 1986 года – паведамленне аб катастрофе на ЧАЭС.

svaboda.org

16:40 Аўтамабілісты сігналяць у падтрымку шэсця.

16:36 Калона рушыла. На мерапрыемстве прысутнічае начальнік Маскоўскага РУУС Менска.

@svaboda

16:30 Пачалі званіць у звон, які традыцыйна прыносяць на «Чарнобыльскі шлях».

16:25 Удзельнікі спяваюць гімн «Магутны Божа».

16:23 Актывісты «Еўрапейскай Беларусі» паднялі сцягі грамадзянскай кампаніі, бел-чырвона-белыя і ЕЗ.

svaboda.org

16:20 Прыйшоў старшыня АГП Анатоль Лябедзька і сустаршыня БХД Віталь Рымашэўскі.

16:17 Міліцыі ў форме каля кінатэатра «Кастрычнік» не шмат, але прысутнічаюць дзясяткі «людзей у грамадзянскім». Некалькі чалавек здымаюць удзельнікаў акцыі на відэа.

@bystreamtv

16:16 Многія ўдзельнікі акцыі прыйшлі на яе з сінімі і жоўтымі шарыкамі ў знак салідарнасці з Украінай.

@svaboda

16:14 З'явіліся новыя транспаранты: «Еўразійскі эканамічны саюз – другі Чарнобыль», «Свабоду палітвязням».

16:05 Людзі трымаюць расцяжкі «Не іншаму Чарнобылю», «За незалежную Беларусь». Каля кінатэатра «Кастрычнік» сабралася блізу 200 чалавек. Да пачатку шэсця засталося паўгадзіны, піша «Наша Нiва».

svaboda.org

16:04 Прыйшлі прадстаўнікі Партыі БНФ Аляксей Янукевіч, Юрась Губарэвіч, Зміцер Салошкін. Яны раздаюць жоўтыя шарыкі з сімволікай радыяцыі. Таксама прынеслі абраз «Чарнобыльская Божая Маці».

svaboda.org

15:52 Удзельнікі акцыі паднялі пяць бел-чырвона-белых сцягоў, паведамляе «Радыё Свабода».

@svaboda
nn.by

15:50 Напярэдадні акцыі былі затрыманыя некалькі грамадскіх актывістаў, у тым ліку Зміцер Дашкевіч, Максім Вінярскі, Аляксандр Францкевіч.

vk.com/stopluka

15:49 У Менску – сонечная і бязвоблачная надвор'е. Каля кінатэатра «Кастрычнік» пачынаюць збірацца людзі.

@svaboda

26 красавік 1986 г адбылася адна з самых буйных радыяцыйных катастроф – аварыя на Чарнобыльскай АЭС. Яна закранула кожнага жыхара Беларусі. У выніку аварыі на ЧАЭС у атмасферу было выкінута радыеактыўных рэчываў у 300 разоў больш, чым пасля атамнай бамбардзіроўкі японскага горада Хірасіма.

Больш за 70 адсоткаў радыёнуклідаў аселі на тэрыторыі Беларусі. Ад наступстваў катастрофы пацярпелі блізу двух мільёнаў жыхароў нашай краіны, у тым ліку больш за 500 тысяч дзяцей. Навукоўцы заяўляюць, што ад радыяцыі ў Беларусі ўжо памерлі 200 тысяч беларусаў. Тэрыторыя Беларусі на шматлікія стагоддзі стала зонай экалагічнага бедства.

Беларускія ўлады злачынна замоўчваюць праблему радыяцыі. За час праўлення Лукашэнкі ў Беларусі была скарочаная колькасць тэрытарыяльных зон з перыядычным радыяцыйным кантролем. Сёння на моцна заражаных тэрыторыях (ад 15 да 40 кюры) жыве блізу 150 000 чалавек, хоць у Расеі і Украіне з такіх зон даўно ўсіх адсялілі. Улады заяўляюць, што гэтыя тэрыторыі «ачысціліся» і заклікаюць людзей вяртацца ў небяспечную для жыцця зону.

«Чарнобыльскі шлях» беларуская апазіцыя праводзіць штогод з 1988 года ў Менску ў фармаце шэсця, якое завяршаецца мітынгам.