11 баевікоў з гранатамі і пісталетамі затрыманыя ў Запарожжы
4- 9.05.2014, 12:12
- 15,967
Падчас ператрусаў у групы асоб канфіскавалі арсенал зброі.
Падчас спецаперацыі праваахоўнікі Запарожскай вобласці сумесна з рэгіянальным упраўленнем СБУ затрымалі групу сепаратыстаў і забралі ў іх арсенал зброі, паведамляе МУС Украіны.
"Падчас санкцыянаваных ператрусаў у групы асоб, якія належаць да крымінальных і сепаратысцкіх колаў, канфіскавалі арсенал зброі - пісталеты ПМ, гранаты Ф-1, паляўнічыя наразныя карабіны і стрэльбы, пісталет-аўтамат "Скарпіён", паляўнічы вінчэстар, гладкаствольную і помпавую стрэльбу, пісталеты "Форт-12", Атамаса-Starter, а таксама каля 300 патронаў рознага калібру", - гаворыцца ў паведамленні ведамства.
11 чалавек дастаўленыя ва УБАЗ і УСБУ для наступнай адпрацоўкі, а ўсё канфіскаванае - накіравана на экспертызу ў экспертна-крыміналістычны цэнтр пры ГУМВД вобласці. Праводзіцца праверка.