The Wall Street Journal: Украіна дае адпор

Парашэнка, здаецца, зразумеў, што агрэсіі Пуціна трэба супраціўляцца.

«У свеце распаўсюджваюцца беспарадкі, так што добрай навіной стала тое, што Украіна павольна аднаўляе кантроль над сваімі ўсходнімі землямі, спустошанымі і ахопленымі сепаратызмам. Гэтымі перамогамі яна нічым не абавязаная ЕЗ ці ЗША, але яны даюць некаторую надзею на тое, што кіеўскі ўрад зможа супраціўляцца нападам Уладзіміра Пуціна», - піша The Wall Street Journal у артыкуле пад загалоўкам «Украіна дае адпор» (пераклад - Инопресса.ру).

«Украінцы таксама павінны супрацьстаяць шквалу бязглуздых парад з боку Захаду. Пасля падзення Славянска немцы заклікалі Парашэнку спыніць наступ і прасіць міру. Аднак Парашэнка, здаецца, разумее, што яму трэба ўзяць верх на месцах, перш чым думаць аб урэгуляванні», - гаворыцца ў артыкуле.

«Пытанне на мільён рублёў складаецца ў тым, што будзе рабіць Расея. Толькі адзін чалавек гэта ведае, і прэзідэнт Пуцін нічога не гаворыць», - адзначаюць аўтары.

«У Захаду няма стратэгіі ў дачыненні да Украіны, але нам пашанцавала ў тым, што Пуцін дапусціў памылкі. Ён няправільна ацаніў народную падтрымку Расеі ва Усходняй Украіне», - сцвярджаюць журналісты. Паўстанцы атрымліваюць ад Расеі ўказанні, але не заўсёды імі кіруюцца, адзначаюць яны.

«Аднак у кіраўніка Крамля ўсё яшчэ ёсць дадатковыя магчымасці. Расея б з задавальненнем пасадзіла ў Данецку лаяльнага да яе губернатара, і гэтую ідэю падтрымлівае Нямеччына. Расея таксама можа ўзмацніць эканамічны ціск з дапамогай гандлёвых санкцый і скарачэння газавых паставак, каб дэстабілізаваць сітуацыю ва Украіне», - піша выданне. Самай лепшай навіной з'яўляецца тое, што Парашэнка, здаецца, разумее, што Пуцін будзе захопліваць усё што можа, пакуль Украіна не дасць адпор, рэзюмуюць аўтары артыкула.