Громадське ТВ пацвердзіла вызваленне журналістаў
6- 2.07.2014, 21:40
- 5,398
Громадське ТВ пацвердзіла распаўсюджанае раней сепаратыстамі паведамленне аб вызваленні журналісткі Анастасіі Станко і аператара Іллі Бескаравайнага.
Прадстаўнікі самаабвешчанай "Луганскай народнай рэспублікі" вызвалілі журналістку Громадськага ТВ Анастасію Станко і аператара Іллю Бескаравайнага, паведамляе Громадське ТВ.
Іхняе вызваленне ў жывым эфіры трансляваў расейскі тэлеканал LifeNews.
Журналісты LifeNews пэўны час суправаджалі Станко і Бескаравайнага, задаючы ім пытанні - але журналісты Громадськага ТВ адмовіліся размаўляць.
Са слоў Анастасіі Станко, у палоне ім пагражалі забойствам.