25 лiпеня 2024, Чацвер, 3:14
Падтрымайце
сайт
Сім сім,
Хартыя 97!
Рубрыкі

Прэм'ер Латвіі: Ва Украіне вайна, нельга стаяць у баку

6
Прэм'ер Латвіі: Ва Украіне вайна, нельга стаяць у баку

Кіраўніца латвійскага ўрада Лаймдота Страуюма выказалася за далейшае ўзмацненне жорсткасці санкцый Еўразвязу ў дачыненні да Расеі.

Прэм'ер-міністр ЕЗ Латвіі Лаймдота Страуюма падтрымлівае ўвядзенне Еўрапейскім звязам дадатковых санкцый супраць Расейскай Федэрацыі за агрэсію супраць Украіны. Пра гэта яна заявіла 27 студзеня ў інтэрв'ю Латвійскай тэлевізіі, піша Delfi.lv.

Са слоў Страуюма, за тым, што адбываецца на ўсходзе Украіны, нельга проста назіраць з боку, таму, на яе думку, у Еўразвяза няма іншага шляху, акрамя як рэагаваць шляхам далейшага ўвядзення санкцый супраць краіны-агрэсара - Расеі. «Мы не можам называць усё гэта асобнымі тэрактамі. Гэта вайна», - падкрэсліла прэм'ер.

«Паводле нашай прапановы ў чацвер будзе склікана нарада міністраў замежных спраў ЕЗ, на якой будзе абмяркоўвацца, якія санкцыі могуць спатрэбіцца і як далей будзе праходзіць гэты працэс. Санкцыі - гэта не галоўнае. Галоўнае, каб там скончылася супрацьстаянне, і Украіна змагла б заняцца аднаўленнем эканомікі», - сказала кіраўніца латвійскага Кабміна.

Існуюць розныя прапановы што да дадатковых эканамічных абмежаванняў супраць Расеі, мяркуе яна. Страуюма адзначыла, што санкцый ніхто не хоча, таму што яны ўплываюць не толькі на РФ, але і на тых, хто іх ужывае, і «рана ці позна ўсё роўна прыйдзецца ісці на перамовы». Але разам з тым, упэўненая прэм'ер, стаяць у баку і нічога не рабіць, калі ва Украіне «фактычна вайна», і Расея не збіраецца захоўваць Менскія дамоўленасці і выконваць перамір'е, ЕЗ не будзе.

Кіраўніца урада прызнала, што ў выпадку ўвядзення новых санкцый Латвія можа панесці пэўныя эканамічныя страты, але гэта неабходна, калі краіна жадае прадэманстраваць сваё стаўленне да таго, што адбываецца.

Фота: F64

Напісаць каментар 6

Таксама сачыце за акаўнтамі Charter97.org у сацыяльных сетках