КДБ: Памер хабараў праз «Каменны лог» вар'яваўся ад $250 да $3 тысяч

З'яўляецца больш падрабязнасцяў у справе арыштаваных ашмянскіх мытнікаў.

Дзейныя і былыя супрацоўнікі Ашмянскай мытні арганізавалі шырокамаштабную схему ўхілення ад выплаты мытных плацяжоў, паведамілі БелТА ў КДБ Беларусі.

Удзельнікі злачыннай групы за хабар у парушэнне мытнага заканадаўства праводзілі бесперашкодны пропуск буйных партый розных тавараў праз Дзяржаўную мяжу Рэспублікі Беларусь у пункце пропуску «Каменны Лог». Сумы незаконнага грашовага ўзнагароджання складалі ад $250 да $3 тысяч. У залежнасці ад колькасці перамешчаных грузаў. Адзін з удзельнікаў злачыннай групы за штомесячнае грашовае ўзнагароджанне ў памеры $1 тысяч арганізоўваў прыкрыццё злачыннай дзейнасці затрыманых, перадаючы ім звесткі аб запланаваных ДМК кантрольных мерапрыемствах.

Па месцы жыхарства фігурантаў было канфіскавана звыш $2,2 млн. Накладзены арышт на аб'екты нерухомасці і транспартныя сродкі асоб, якія праходзяць паводле крымінальных спраў. Праводзяцца неабходныя аператыўна-вышуковай і следчыя дзеянні, накіраваныя на выяўленне і дакументаванне іншых эпізодаў супрацьпраўнай дзейнасці падазроных.

У выніку праведзеных мерапрыемстваў затрыманыя 19 чалавек. У дачыненні да іх Камітэтам дзяржаўнай бяспекі распачата 5 крымінальных спраў паводле прыкмет складу злачынстваў, прадугледжаных ч.2,3 арт.430 (атрыманне хабару) і ч.2 арт.431 (дача хабару).

Да затрыманых ужыты захад стрымання ў выглядзе ўзяцця пад варту.