Вікторыя Азаранка нарадзіла сына
14- 20.12.2016, 7:48
- 32,107
Найлепшая тэнісістка Беларусі Вікторыя Азаранка нарадзіла сына.
Пра гэта спартоўка паведаміла на сваёй старонцы ў Instagram.
"Сёння быў мой самы цяжкі бой і мая найлепшая перамога. Наш сын нарадзіўся здаровым і шчаслівым! Так ўдзячная і шчаслівая! Дзякуй!", - гаворыцца ў паведамленні.
Запіс з'явіўся сёння а 5.10 раніцы.
Пра тое, што Вікторыя Азаранка цяжарная, стала вядома 15 ліпеня. Пра будучыя прыемныя падзеі яна таксама паведаміла прыхільнікам праз сацыяльныя сеткі, нагадвае БелТА.
У сваім звароце да заўзятараў двухразовая чэмпіёнка турніраў "Вялікага шлема" сказала тады пра тое, што яна і яе каханы вельмі рады гэтаму факту і рыхтуюцца да новага этапу ў іх жыцці.
Таксама Вікторыя Азаранка запэўніла, што не збіраецца сыходзіць са спорту, а наадварот, натхнёная гісторыямі іншых жанчын-спартовак, якія пасля нараджэння дзяцей дасягалі яшчэ большых вышынь у сваёй прафесійнай кар'еры, і хоча зрабіць тое ж самае. Яна падзякавала ўсім за падтрымку, бо гэта для яе шмат значыць.