Facebook купіў беларускі стартап MSQRD

Дадатак MSQRD дазваляе накладваць на твары ў відашукальніку камеры «жывыя» фільтры ў рэальным часе.

Сацыяльная сетка Facebook купіла беларускі стартап Masquerade (MSQRD), які дазваляе накладваць на здыманае смартфонам відэа смешныя маскі-фільтры ў рэжыме рэальнага часу. Сума ўгоды не выдаецца, піша «Медуза».

Facebook аб угодзе пакуль афіцыйна не паведаміў, але факт продажу дадатку ўжо пацвердзіў інвестар у MSQRD Юрый Гурскі.

«Цяпер мы можам паказаць нашу тэхналогію ўсёй аўдыторыі Facebook, якая налічвае 1,6 мільярда чалавек. Мы не маглі нават уявіць, што такое магчымае», - гаворыцца ў прэс-рэлізе, размешчаным на сайце MSQRD.

Masquerade стаў вельмі папулярным дадаткам для смартфонаў як на Android, так і на iOS, толькі некалькі месяцаў таму. У дадатку можна накладваць як існыя маскі, так і ствараць свае.