На трасе М1 расеец скамячыў патрульную машыну ДАІ

Кіроўца Toyota страціў пільнасць падчас кіравання і ўрэзаўся ў аўтамабіль Дзяржаўтаінспекцыі.

«На трасе Берасце - Менск - мяжа Расеі ў раёне 510-га км ДТЗ з удзелам машыны ДПС, - паведамляе onliner.by спасылкай на словы відавочцы. - Грамадзянскі аўтамабіль вылецеў у кювет, ДПС на крайняй правай паласе. Відаць, у патрульную машыну заехалі на хуткасці".

Паводле звестак сайта, інспектары прыбылі ва ўказанае месца на трасу М1 для афармлення першай аварыі (легкавушка вылецела за межы праезнай часткі). Праз нейкі час там здарылася другое ДТЗ - Toyota Camry ўрэзалася ў Lada Priora.

Lada спынілі на абочыне, для афармлення першага здарэння з салона выйшлі абодва супрацоўнікі, яны знаходзіліся на вуліцы. У той момант, калі ўнутры патрульнай машыны нікога не было, адбыўся другі ўдар. Інспектары паспелі адскочыць, а меркаваны віноўнік - расеец на Toyota Camry - пацярпеў. Паводле папярэдніх звестак, у яго пералом сківіцы - магчыма, не быў прышпілены.

Як мяркуецца, прычына аварыі - кіроўца Toyota адцягнуўся ад кіравання альбо заснуў падчас руху.