Улады зацвердзілі план кампенсацыі беларусамі 100% камунальных паслуг

Урад падвысіў тарыфы на паслугі ЖКГ і транспарту.

У найбліжэйшай пяцігодцы ўрад мае намер выйсці на поўную кампенсацыю насельніцтвам выдаткаў на выкананне паслуг ЖКГ і паштовай сувязі, істотна падвысіць гэтую планку для транспарту. Пры гэтым нагрузка на рэальны сектар эканомікі павінна сіметрычна знізіцца. Гэта вынікае з комплексу захадаў для рэалізацыі Праграмы сацыяльна-эканамічнага развіцця Беларусі на 2016-2020 гады, зацверджаных пастановай саўміна №18, піша tut.by.

Падвышэнне тарыфаў на жыллёва-камунальныя паслугі («з улікам зніжэння выдаткаў і выдачы грамадзянам безнаяўных жыллёвых субсідый») плануецца давесці да канца 2017 года да 75% кампенсацыі выдаткаў на іх выкананне насельніцтву, да канца 2018 года — да 100%.

Што да падвышэння тарыфаў на транспартныя паслугі, то ў 2018 годзе плануецца выйсці на паказчык «не менш за 70%», які збіраюцца ўтрымліваць на гэтым узроўні ў 2019-2020 гадах.

Да 2020 года хочуць падвысіць рэгуляваныя тарыфы на паслугі электрасувязі і паштовай сувязі (з улікам зніжэння выдаткаў) да 100% кампенсацыі выдаткаў на іх выкананне для насельніцтва.

У дакуменце таксама ідзе гаворка і аб скарачэнні перакрыжаванага субсідавання з 2019 года. Гэта азначае зніжэнне коштаў і тарыфаў для рэальнага сектара эканомікі.