Пасля рамонтнікаў вокнаў і прадаўцоў фільтраў у Беларусі з'явіўся новы «лахатрон»

Астапы Бэндары нашых дзён тэлефануюць у дзверы нават у нядзелю.

«У палку агентаў – прадаўцоў фільтраў і рамонтнікаў вокнаў прыбыло. Акуратна падстрыжаныя і чыста паголеныя хлопцы ў модных стыльных строях ходзяць па кватэрах і прапаноўваюць народу праверку напружання ў праводцы, - піша адзін з карыстальнікаў гарадскога пабліка «Нетыповы Віцебск». - Пры сабе яркі гальштук, папка, мультыметр. Іх байкі: частыя ўзгаранні праз праводку, неабходная праверка, складанне акта...магчыма ўсталяванне дадатковых прыбораў. На пытанне да якой арганізацыі належым - мы ІП/ПУП. Адукацыя??? Столяр для ўсталявання вокнаў!!!! Беражыце сябе і свае сем'і!!! Чарговыя шарлатаны!!!»

Пад гэтым жа паведамленнем у каментарах піша дзяўчына:

«Да нас прыходзілі, але папярэдне быў званок на хатні, тыпу гэта Віцебскэнэрга. Мяне збянтэжыла, што гэта нядзеля, муж размаўляў і пагадзіўся.

Прыйшоў прыбраны ў гарнітурчык хлопец, пачаў адразу тыпу акта нешта пісаць, потым мераў напружанне ў разетках. Пасля, калі ён сказаў, што трэба ўсю праводку змяняць і ён у сябе дома памяняў за 12 000, муж сказаў, каб хлопец ішоў лесам. Да суседзяў таксама прыходзілі, камусьці рамантавалі на 120 рублёў, а камусьці і на ўсе 400...»