Кошт нафты паставіў рэкорд з 2015 года
8- 27.10.2017, 20:55
- 13,484
Кошт нафты маркі Brent упершыню з 3 ліпеня 2015 года прабіў адзнаку 60 даляраў за барэль.
Пра гэта сведчаць звесткі таргоў у пятніцу, 27 кастрычніка, на Лонданскай біржы.
Зафіксаваны максімум на снежаньскія ф'ючэрсы склаў 60 даляраў і 3 цэнты. Кошт Brent падчас таргоў вырас амаль на 1 працэнт, паведамляе lenta.ru.
Паралельна растуць ф'ючэрсы на амерыканскую лёгкую нафту маркі WTI. На 18.08 паводле менскага часу за адзін барэль нафты давалі 53,41 даляра, рост з пачатку таргоў склаў 1,46 працэнта.
26 кастрычніка стала вядома, што Саудаўская Арабія мае намер падтрымаць пагадненне сярод краін Арганізацыі вытворцаў нафты (АПЕК) і па-за АПЕК аб скарачэнні здабычы нафты. Са слоў наследнага прынца каралеўства Мухамеда бен Салмана Аль Сауда, вытворцам нафты варта засяродзіцца на стабілізацыі рынку.