Дэмакраты ў Кангрэсе абвясцілі пра пачатак працэдуры імпічменту Трампа

Прэзідэнта ЗША абвінавацілі ў парушэнні Канстытуцыі.

Прадстаўнікі дэмакратычнай партыі ў Кангрэсе ЗША ў сераду абвясцілі пра пачатак працэдуры імпічменту прэзідэнта ЗША Дональда Трампа, абвінаваціўшы яго ў парушэнні Канстытуцыі краіны, паведамляе «Голас Амерыкі».

На прэс-канферэнцыі сябры Палаты прадстаўнікоў Стыў Коэн, Луіс Гуцьерэз, Эл Грын, Адрыяна Эспалат, Марсія Фадж і Джон Ярмут заявілі, што выступіць з гэтай ініцыятывай іх прымусіў «непакой аб нацыянальнай бяспецы дзяржавы».

«Мы мяркуем, што прэзідэнт Трамп парушыў Канстытуцыю, і таму пачынаем працэдуру імпічменту ў адпаведнасці з пяці пунктамі абвінавачвання», - заявіў кангрэсмен Стыў Коэн.

У якасці прычыны для адхілення ад улады аўтары ініцыятывы згадалі звальненне дырэктара ФБР Джэймса Комі, парушэнні так званага Emoluments Clause, які абмяжоўвае ўплыў замежных урадаў на ўнутраную палітыку ЗША, а таксама дзеянні, якія парушаюць прынцыпы незалежнасці органаў правасуддзя і свабоды прэсы.

Раніцай у сераду зварот групы кангрэсменаў быў перададзены ў Палату прадстаўнікоў.