Затрыманага пасля страляніны ў Гдыні беларуса адпусцілі на волю
11- 17.11.2017, 15:12
- 24,335
(Абноўлена) Cцяпана Свідэрскага вызвалілі без усялякіх прафілактычных захадаў.
Беларуса, якога затрымалі пасля страляніны ў офісе Reutets у Гдыні, вызвалілі з-пад арышту ў Гданьску, паведамляе Nasze Miasto.
Пасля пасяджэння абласнога суда ў Гданьску Сцяпана Свідэрскага вызвалілі без усялякіх прафілактычных захадаў. Са слоў пракурора, на цяперашнім этапе дадатковая інфармацыя не будзе распаўсюджвацца.
Адвакат падазраванага пацвердзіў «Радыё Свабодзе» аб ягоным вызваленні.
- Я не вінаваты ні ў чым, што адбылося ў той вечар. Закон я не парушаў, - заявіў Сцяпан Свідэрскі ў інтэрв'ю польскім СМІ.
Tak Stsiapan Svidzerski komentuje sprawę. Mężczyzna nie chce ukrywać sowich danych ani wizerunku. Wczoraj prokuratura postawiła mu zarzut usiłowania zabójstwa. Sąd dziś nie zgodził się na aresztowanie. @RMF24pl pic.twitter.com/us5nDplU7j
— Kuba Kaługa (@ka_uga) 17 ноября 2017 г.
Сяргей Свідэрскі з'яўляецца грамадзянінам Беларусі і ўжо некалькі гадоў легальна пражывае ў Польшчы.
Паведамлялася, у кампаніі Reuters здарэнне назвалі выпадковасцю. Як паведаміла крыніца «Радыё Свабодзе», беларус вяртаўся з трэніроўкі і хацеў паказаць свой пісталет аднаму з калегаў. Калі зброю ўбачылі іншыя, пачалася паніка. Падчас спробы вырваць у мужчыны пісталет выпадкова адбыліся два стрэлы.