Расейская субмарына падплыла да межаў Латвіі
4- 23.11.2017, 14:07
- 16,062
Падлодку выявілі вайскоўцы балтыйскай краіны.
Расейская субмарына была адзначаная непадалёк ад мяжы Латвіі. З такім сцвярджэннем у чацвер выступілі Нацыянальныя ўзброеныя сілы (НУС) краіны.
«У латвійскай эксклюзіўнай эканамічнай зоне, у пяці марскіх мілях ад тэрытарыяльных вод, Вайскова-марскія сілы 22 лістапада ідэнтыфікавалі субмарыну «Дзмітраў» класа Kilo (кадыфікацыя NATO) Узброеных сіл Расеі», - гаворыцца ў паведамленні НВС на старонцы ў Twitter.
Паводле інфармацыі мінабароны краіны, расейскія вайсковыя самалёты і караблі летась набліжаліся да межаў Латвіі 209 разоў, у 2015 годзе - больш за 270 разоў, а ў 2014-м - больш за 250 разоў.
LV ekskl. ekonom. zonā 5 j.j. no terit. jūras bruņotie spēki 22.11. identificēja Krievijas BS Kilo klases zemūdeni "Dmitrov"
— NBS (@Latvijas_armija) 23 ноября 2017 г.
Раней улады РФ неаднаразова заяўлялі, што ўсе палёты расейскіх вайсковых самалётаў і перамяшчэння караблёў здзяйсняюцца ў строгай адпаведнасці з міжнародна-прававымі нормамі.
