Аляксандр Хацкевіч: Кіеўскае «Дынама» хоча патрапіць, а не ўліпнуць у гісторыю

Беларускі спецыяліст ставіць перад сабой толькі самыя высокія задачы.

Беларускі галоўны трэнер кіеўскага «Дынама» Аляксандр Хацкевіч напярэдадні выязнога матчу групавога этапу Лігі Еўропы з албанскім «Скендэрбеў», які пройдзе ў чацвер, 23 лістапада, пракаментаваў выступ каманды, якая датэрмінова атрымала права ў 1/16 фіналу, піша «Прессбол».

- Вам прыемна, што «Дынама» першым прабілася ў плэй-оф Лігі Еўропы?

- Вялікага значэння гэтаму не надаю. Галоўным быў выхад у наступную стадыю, хоць павінен сказаць, што пакуль мы сваёй мэты ў групе не дасягнулі. Наша задача - першае месца. Калі зробім гэта, тады, можа, будзе мінімальная задаволенасць.

- Як падсумавалі выступы каманды пасля чатырох тураў?

- У нас былі розныя гульні, нават розныя таймы і адрэзкі. Дрэнна, што цэласных матчаў не атрымлівалася. Нам не ўдавалася пачынаць моцна і агрэсіўна, а потым даводзіць гульню да канца ў такім жа ключы. Стала даводзілася праяўляць характар. У мяне досыць сівых валасоў з'явілася пасля ўсяго гэтага. Хацелася б больш стабільнай і цэласнай гульні ад пачатку і да канца. Вось над гэтым нам яшчэ трэба вельмі шмат працаваць.

- Фінал Лігі Еўропы-2017/18 адбудзецца ў Ліёне - горадзе, дзе «Дынама» здабыло Кубак кубкаў-1986.

- Глядзеў той матч супраць «Атлетыка», мне было 13 гадоў. Дагэтуль памятаю знакамітую атаку веерам [калі Алег Блахін забіў другі гол] - яна проста цяпер стаіць у мяне перад вачыма, гэта было фантастычна.

Ваш намёк зразумелы, але давайце не будзем загадваць. Трэба рабіць крок за крокам. Згуляем гэтыя два матчы, потым будзем чакаць лёсавання. А там ужо пастараемся падысці да Ліёну як мага бліжэй. Як і ўсякае пакаленне «Дынама», мы хочам трапіць у гісторыю. Галоўнае – усё ж патрапіць, а не ўліпнуць.