Больш чым 100 метэораў за ноч: Беларусы назіралі магутны зарапад
3- 14.12.2017, 17:21
- 13,210
У ноч з 13 на 14 снежня здарыўся пік метэорнай плыні Гемінід.
Tut.by сабраў фота беларусаў, якія назіралі за эфектнай астранамічнай з'явай.
Фатографы з каманды Astronominsk назіралі зарапад у наваколлі Менска.
«З 19.22 да 3.42 паводле мясцовага часу было вылаўлена блізу 170 (удакладняецца) Гемінід на адну камеру з полем 70 градусаў. Пік самых яскравых прыпаў прыкладна на поўнач, потым пайшлі больш дробныя. Самых яскравых не налавілася - ад -2 і драбней», - распавёў аўтар фота.
Удзельнікі супольнасці «Астрарамантыка» назіралі за метэорнай плынню непадалёк ад вёскі Малявак у Менскім раёне.
Метэорная плынь была бачная ва ўсіх пунктах Зямлі. У іншых гарадах відовішча атрымалася не менш эфектным.
Нагадаем, метэорная плынь Гемініды звязаная з калязямным астэроідам «3200 Фаэтон», які рухаецца па вельмі выцягнутай арбіце і рэгулярна збліжаецца з Зямлёй. У гэтую ноч піка Гемінід - з 13 на 14 снежня - Фаэтон падабраўся да Зямлі на асабліва блізкую адлегласць.