Крысціян Керн спадзяецца «павярнуць назад» працэс Brexit

Федэральны канцлер Аўстрыі Крысціян Керн выказаў надзею на магчымасць скасавання працэсу Brexit.

Федэральны канцлер Аўстрыі Крысціян Керн выказаў надзею на магчымасць скасавання працэсу Brexit - аддзялення Вялікабрытаніі ад Еўразвязу.

Пра гэта Керн заявіў журналістам па прыбыцці на саміт ЕЗ у Брусэлі, паведамляе РІА Новости.

«Я спадзяюся, што ён (працэс Brexit - рэд.) можа быць павернуты назад, таму што будзе шмат вялікіх пытанняў, выклікаў, якія няпроста развязаць. Будзе шмат напружанасці ва ўнутранай палітычнай сферы ў Вялікабрытаніі. Таму, хто ведае», - адказаў канцлер Аўстрыі на пытанне пра магчымасць развароту або затрымкі Brexit.

На пытанне, наколькі гэта рэалістычна, Керн адказаў з усмешкай: «Добрае пытанне. Я не ведаю».