Колькі ў беларусаў у 2018 годзе будзе рабочых, выхадных і святочных дзён

У 2018 годзе беларусы будуць працаваць 253 дні пры пяцідзённым рабочым тыдні, а адпачываць 112 дзён.

Тыя ж, у каго «шасцідзёнка», на працы правядуць 305 дзён, а адпачываць будуць 60 дзён, адзначылі ў Міністэрстве працы. У ведамстве распавялі пра разліковыя нормы працоўнага часу на 2018 год.

На 2018 год разліковая норма працоўнага часу для пяцідзённага працоўнага тыдня з выходнымі днямі ў суботу і нядзелю складае 2016 гадзін, піша tut.by.

Сярэднемесячная колькасць працоўных дзён у 2018 годзе складзе пры пяцідзённым рабочым тыдні 21,1 дня (253 дні падзяліць на 12 месяцаў), пры шасцідзённым працоўным тыдні - 25,4 дня (305 дзён падзяліць на 12 месяцаў).

Норма працоўнага часу у 2018 годзе пры 40-гадзінным рабочым тыдні будзе 2016 гадзін, пры 36-гадзінным рабочым тыдні - 1 813,6 гадзіны, а пры 24-гадзінным рабочым тыдні - 1 206,4 гадзіны.

У Міністэрстве працы тлумачаць, што за кожную гадзіну працы ў дзяржаўныя святы, святочныя і выходныя дні звыш заробку, налічаны за ўказаны час, робiцца даплата: работнікам са здзельнай аплатай працы - не ніжэй здзельных расцэнак, работнікам з пачасовай аплатай працы - не ніжэй гадзінных тарыфных ставак (акладаў). Калі праца ў дзяржаўныя святы і святочныя дні выконвалася звыш месячнай нормы працоўнага часу, работніку, на яго жаданне, акрамя даплаты можа выдавацца іншы неаплатны дзень адпачынку.

«Абавязковай умовай для прыцягнення працаўніка да працы ў выходны дзень з'яўляецца наяўнасць загаду (распараджэння) наймальніка, у якім агаворваюцца ўсе ўмовы прыцягнення яго да працы ў выходны дзень», - адзначаюць у ведамстве.

У 2018 годзе непрацоўнымі святочнымі днямі будуць:

1 студзеня - Новы год;

7 студзеня - Раство Хрыстова (праваслаўнае Раство);

8 сакавіка - Дзень жанчын;

17 красавіка - Радаўніца (па календары праваслаўнай канфесіі);

1 траўня - Свята працы;

9 траўня Дзень Перамогі;

3 ліпеня - Дзень Незалежнасці Рэспублікі Беларусь (Дзень Рэспублікі);

7 лістапада - Дзень Кастрычніцкай рэвалюцыі;

25 снежня - Нараджэнне Хрыстова (каталіцкія Каляды).

У 2018 годзе на нядзелю выпадае нерабочы святочны дзень 7 студзеня Божае Нараджэнне (праваслаўнае Раство).

Пры гэтым прафесійныя святы (напрыклад, Дзень юрыста, Дзень настаўніка, Дзень банкаўскіх і фінансавых работнікаў, Дзень работнікаў фізічнай культуры і спорту і іншыя) не з'яўляюцца непрацоўнымі святочнымі днямі, і на іх норма аб памяншэнні працоўнага часу на адну гадзіну ў перадсвяточны працоўны дзень не распаўсюджваецца, тлумачаць у Міністэрстве працы. Акрамя таго, працоўны дзень (змена) не скарачаецца, калі непрацоўнаму дню папярэднічае выхадны дзень (па календары ці графіку работ (зменнасці).

- Калі па ўмовах вытворчасцi скарачэнне працягласці працы немагчымае, то перапрацоўка кампенсуецца па ўзгадненню бакоў выдаваннем дадатковага дня адпачынку, якi аплачваецца ў адзінарным памеры, па меры назапашвання гэтых гадзін, або падвышанай іх аплатай у суме, якая ўстаноўленая для аплаты звышурочнай працы, - адзначаюць у Міністэрстве працы. - Заканадаўствам аб працы не ўсталяваны перыяд, на працягу якога работніку выдаецца дадатковы дзень адпачынку як кампенсацыя перапрацоўкі ў перадсвяточныя дні, у сувязі з чым наймальніку мэтазгодна ўсталяваць умовы выдавання дадатковага дня адпачынку, напрыклад, на працягу ўліковага перыяду.

У ведамстве нагадваюць, што працоўны дзень, якi непасрэдна папярэднiчае дзяржаўнаму святу або святочнаму дню, скарачаецца на адну гадзіну.

Так, пры пяцідзённым рабочым тыдні 7 сакавіка, 16 красавіка, 30 красавіка, 8 траўня, 2 ліпеня, 6 лістапада і 24 снежня з'яўляюцца перадсвяточнымі працоўнымі днямі. Пры шасцідзённым працоўным тыдні перадсвяточнымі працоўнымі днямі з'яўляюцца: 6 студзеня, 7 сакавіка, 16 красавіка, 30 красавіка, 8 траўня 2 ліпеня, 6 лістапада і 24 снежня.