Жырыноўскі прапанаваў звяртацца да Пуціна «Ваша Вялікасць»

Таксама адыёзны расейскі палітык заявіў пра неабходнасць змяніць зварот да іншых высокапастаўленых асоб.

Лідар партыі ЛДПР Уладзімір Жырыноўскі заявіў пра неабходнасць змяніць зварот да высокапастаўленых асоб на «Ваша Вялікасць», «Ваша правасхадзіцельства» і «Ваша Сіяцельства». Пра гэта ён паведаміў журналістам у Дзярждуме, піша «Масква».

«Таварыш прэзідэнт» - не гучыць, «Спадар прэзідэнт» - не гучыць. «Ваша Вялікасць» - вось гэта гучыць. Да генералаў - «Ваша правасхадзіцельства», да губернатараў - «Ваша Сіяцельства», - сказаў У. Жырыноўскі.