Беларуская пракуратура зрабіла запыт на Данкверта

Калегі з пракуратуры РФ перадалі гэтую інфармацыю кіраўніку Рассельгаснагляду.

Расейская пракуратура атрымала запыт ад сваіх беларускіх калег што да кіраўніка Рассельгаснагляду Сяргея Данкверта, супраць якога Лукашэнка прапанаваў распачаць крымінальную справу. Пра гэта сам чыноўнік распавёў у эфіры тэлеканала «Расія 1», піша telegraf.by.

«Прывітанне» пэўнае атрымаў праз нашу пракуратуру», - адзначыў ён.

Сяргей Данкверт таксама заявіў, што ўстрымаецца ад паездкі ў Беларусь, як і ягоныя падначаленыя, бо ім «не падабаецца абстаноўка» ў краіне.